தேசியத்தலைவர் பிரபாகரனின் மரணச்சான்றிதழ் இந்தியாவுக்கு வந்துவிட்டதாம் – சொல்கிறார் ப.சிதம்பரம் : இந்தியாவின் மத்திய உளவு நிறுவனமான சிபிஐ (CBI) க்கு தமிழ்த் தேசியத் தலைவர் வேலுப்பிள்ளை பிரபாகரன் அவர்களின் மரணச் சான்றிதழ் கிடைக்கப்பெற்றுள்ளதாக இந்திய மத்திய அமைச்சர் ப.சிதம்பரம் தெரிவித்துள்ளார்.

இந்தியாவின் மத்திய உளவு நிறுவனமான சிபிஐ தன்னிடம் தொடர்புகொண்டு இதனைத் தெரிவித்ததாக அமைச்சர் ப.சிதம்பரம் மேலும் கூறியுள்ளார்.

இந்தியா அரசால் தேடப்பட்டுவரும் விடுதலைப் புலிகளின் தலைவர் திரு. வேலுப்பிள்ளை பிரபாகரன் அவர்கள் கடந்த வருடம் மே மாதம் 18ம் திகதி இறந்ததாக சிறீலங்கா அரசாங்கம் அறிவித்ததைத் தொடர்ந்து அதனை உறுதிப்படுத்துமாறு இந்தியா பல முறை கேட்டும் சிறீலங்கா அரசு அதனைச் செய்யவில்லை.

தற்போது மரணச் சான்றிதழை சிறீலங்கா அரசு இந்திய மத்திய உளவு நிறுவனத்திற்கு அனுப்பிவைத்துள்ளதாக ப.சிதம்பரம் கூறுவது குறிப்பிடத்தக்க விடையமாகும்.

இவ்வாறு மரணச்சான்றிதழ் கிடைக்கப்பெற்றது உண்மையானால் இந்தியாவிலுள்ள வழக்குகளில் தேசியத்தலைவரின் பெயர்கள் நீக்கப்பட வேண்டிவரும்.

நன்றி : மீனகம்

Last update : 02-02-2010 07:46

Average user rating

   (0 vote)